• Түлек 2021

          • 14 маусым күні лицей түлектеріне аттестат табыстау шарасы өтті

            Биыл лицейімізден 47 оқушы үлкен өмірге қадам басты. Бітіруші түлектерден 3 оқушы АЛТЫН БЕЛГІ, 4 оқушы ҮЗДІК АТТЕСТАТПЕН марапатталды. Оқушыларымызға ақжол тілеп, шығарып салдық

          • "ЖАРҚЫН БОЛАШАҚ" ҚАЗАҚ ТІЛІ ОЛИМПИАДАСЫНЫҢ ОБЛЫСТЫҚ КЕЗЕҢІ

          • «Мәңгілік Ел» ұлттық идеясын іске асыру, мемлекеттік тілдің қолдану аясын кеңейту, жас ұрпақтың қазақ тіліне, тарихына, салт-дәстүріне деген қызығушылығын арттырумен қатар, облысымыздың дарынды балаларын анықтау және оларға қолдау көрсету мақсатында 2018 жылдың 23-24 ақпан күндері аралығында БҚО Білім басқармасы мен «Дарын» қосымша білім орталығының қолдауымен Батыс Қазақстан облысының дарынды балаларға арналған мамандандырылған «БІЛІМ-ИННОВАЦИЯ» мектеп-лицей-интернатында «Жарқын болашақ» республикалық қазақ тілі олимпиадасының облыстық кезеңі оздырылды. Байқауға облыс бойынша 11 ауданнан 84 оқушы, облыстан 20 оқушы, қаладан 14 оқушы, Назарбаев зияткерлік мектебінен 8 оқушы қатысты. Барлық қатысқан оқушы саны – 126.

            «Жарқын болашақ» қазақ тілі олимпиадасы облысымызда оныншы рет өтіп, ана тіліміздің мерейін өсіріп, мәуелі бағын кеңейтетін талантты шәкірттерге жол ашуда. Дарынды шәкіртке қолдау көрсету жолындағы өткізілген шара 5 бағыттан тұрады: «Тілші-әдебиетшілер» бағыты, «Жазушылар» бағыты, «Жас ғалымдар» бағыты, «Әнші-бұлбұлдар» бағыты, «Сөз шеберлері» бағыты. Бағыттар бойынша әр ауданнан 1 қазақ және 1 өзге ұлт өкілі қатысып және белгілі бағалау критерийлері бойынша жеке-жеке бағаланған болатын. 24 ақпан күні Х.Бөкеева атындағы қазақ драма театрында аталмыш сайыстың салтанатты жабылу рәсімінде байқаудан орын алған оқушылар марапатталды. Салтанатты концерт №11 С.Сейфуллин атындағы облыстық мектеп-интернат кешенінің домбырашылар ансамблінің орындауында Құрманғазының «Адай» күйімен ашылды. Сонымен қатар, «Әнші-бұлбұлдар» бағыты бойынша 1 орын алған қазақ және өзге ұлт оқушылары өз әндерін халық алдында шырқады. Оған қоса, «Сөз шеберлері» бағытынан 1 орынға ие болған қазақ және орыс тобының оқушылары өз өлеңдерін оқыды. Аталған олимпиадада лицейіміздің оқушылары да жақсы нәтиже көрсетті, атап айтсақ «Сөз шеберлері» бағыты бойынша Петри Адам І орын, «Жас ғалым» бағыты Абутолыбов Абдолла І орын, Аманкелді Ермахан ІІІ орын, «Тілші әдебиетшілер» Маханбетов Қасым ІІІ орын, «Жазушылар» бағытынан Мамбеталиев Нариман Алғыс хат, «Әнші бұлбұлдар» Джумагалиев Мұстафа Алғыс хатқа ие болды.

            Сайыстың жеңімпаздарын шын жүректен құттықтай отырып, оларға Республикалық кезеңде сәттілік тілейміз! Тіліміздің мәртебесі күннен күнге өсіп, тіл жанашырларының саны арта берсін!

          • «Мейірім төгетін Ана» тақырыбында кітап көрмесі өткізілді

          • 2018 жылдың 6-ақпанында лицей кітапханасында «Өзін-өзі тану: Махаббат пен Шығармашылық педагогикасы» тақырыбындағы онкүндік аясында «Бөбек» қайырымдылық  қорының негізін қалаушы, «SOS - Қазақстанның балалар ауылдары» бірлескен қорының төрайымы,  адамгершілік-рухани құндылықтарды жандандыру бойынша білім жобасының авторы Сара Алпысқызы Назарбаеваның қайырымдылық істері туралы мағлұматтар; оқушыларға бақыттың құндылық ретіндегі мағынасы және мейірімді адами қасиеті мен өзара көмек әрекеттері туралы түсінік беру; қамқорлық жасау, көмек көрсету дағдыларын дамыта отырып, рухани адамгершілік қағидаларын дұрыс қолдана білуге, өмірді бағалай білуге тәрбиелеу мақсатында «Мейірім төгетін Ана» тақырыбында кітап көрмесі жасақталды.

            Көрмені тамашалауға келген 8 сынып оқушыларына Сара Назарбаеваның өмірі мен еңбек жолына, оның ішінде қайырымдылық қызметіне қысқаша шолу жасап, оның авторлығымен жарық көрген еңбектерге сипаттама берілді.  

            Көрмеге Сара Алпысқызының портреті, сөздері, сондай-ақ ол туралы әр жылдарда мерзімді баспасөз беттерінде жарық көрген мақалалар мен «Бөбек» қайырымдылық қорының акцияларында балалармен кездесу сәті бейнеленген суреттер қойылды.

          • АТА-АНАЛАР АРАСЫНДА КІТАП ОҚУ САЙЫСЫ

          • 27 Қаңтар күні лицейімізде ата-аналар арасында кітап оқудан жарыс өтті. 
            Лицей ұжымы ұйымдастырған бұл сайыс көптеген ата-ананың басын қосты. Аталмыш жарыстың мақсаты – лицей үштағанының бірлігін нығайту, отбасылық кітап оқу мəдениетін дамыту, оқу кеңістігінің аясын кеңейту жəне Елбасының "Рухани жаңғыру-болашаққа бағдар" мақаласын жүзеге асыру. 

            Жарыстың нәтижелері мынадай: 
            I орын – 7в Ш.Теміргалиева, 9а Н.Минашева, 10с Р.Бисенбаева, 10а Н.Құлтаева. 
            ІІ орын – 8а Г.Жақсылықова, 10в А.Сергазиева. 
            ІІІ орын – 7в М.Молдагалиева, 7в Ж.Шукуров, 8а Г.Қайржан, 9а А.Насретденова, 9в Ж.Джумагалиева, 

            10с А.Молдагалиева, 

            Алғыс хат - 10в Б.Бисенов;
                        Жарысқа қатысып, орын алған ата-аналарды шын жүректен құттықтаймыз! Жас ұрпақтың жарқын болашағы – Сіздердің осындай өнегелі істеріңізде!

          • «Латын әліпбиі – мемлекеттік тіл тірегі»

          • 2018 жылдың қаңтар айының 26-сы күні Батыс Қазақстан облыстық дарынды балаларға арналған мамандандырылған «БІЛІМ-ИННОВАЦИЯ» мектеп-лицей-интернатының педагогикалық ұжымының және 7-11-сыныптар оқушыларының қатысуымен латын графикасына негізделген қазақ тілі әліпбиінің мәселелеріне арналған «Латын әліпбиі – мемлекеттік тіл тірегі» тақырыбында іс-шара ұйымдастырылды. 
            Жалпы мектептік шарада Елбасы Н.Ә.Назарбаевтың «Болашаққа бағдар: рухани жаңғыру» мақаласынан бастау алатын мемлекеттік деңгейдегі маңыздылығы жоғары қазақ тілін латын графикасына көшіру бағытында елімізде атқарылып жатырған жұмыстар түсіндірілді. Іс-шараға арнайы шақырылған Халықаралық «Қазақ тілі» қоғамының Батыс Қазақстан облыстық филиалының төрағасы Б.Ө.Жексенғалиев, М. Өтемісов атындағы Батыс Қазақстан мемлекеттік университетінің мәдениет және өнер факультетінің деканы, педагогика ғылымдарының докторы, профессор А.С.Қыдыршаев, Батыс Қазақстан Инновациялық-технологиялық университетінің проректоры, филология ғылымының докторы, профессор М.Б.Сабыр Орта Азиядағы Түрік, Әзірбайжан, Өзбекстан секілді латын графикасына көшкен елдердің іс-тәжірибелерімен таныстырды, латын қарпіндегі қазақ әліпбиіне көшудің біздің ел үшін маңыздылығы түсіндірілді. 
            Сонымен бірге қазақ әліпбиінің латын қарпінде жазылуын жетілдіруге байланысты мәселелер де қозғалып, мұғалімдер мен оқушылар тарапынан берілген сұақтарға нақты жауаптар берілді.

            Жергілікті ғалымдардың қатысуымен өткен шараның оқушылар үшін мәні, маңызы зор болды.

          • "Тозақ шеңбері" қойылымы

          • Өткен апта оқушыларымыз Қазақ драма театрының "Тозақ шеңбері" атты қойылымына барды. "Тозақ шеңбері" атты тарихи драмалық қойылым көрерменін 31 жыл өткен шаққа апарып, сол кездегі еліміз үшін елеулі де ауыр оқиға - Желтоқсан көтерілісі кезіндегі залымдар мен мазлұмдардың өмірдегі сәттерін көрсетті. Сөзсіз бұндай қойылымды көрген өскелең ұрпақ Қазақ халқының Егемендік жолында шеккен азабы мен қиыншылықтарын көріп, Тәуелсіздіктің қадірін түсінуі тиіс. Жан-тәнімен азаттықты қастерлеп, ұлттық намысты жұдырығына мықтап ұстаған азаматтарды тәрбиелеу - баршамыздың ортақ мақсатымыз болғандықтан, оқушыларымызды ғибратты қойылымдарға одан әрі апарамыз деген жоспардамыз.

          • Республикалық тоғызқұмалақ турнирінің жеңімпазы

          • "Рухани жаңғыру" бағдарламасын жүзеге асыру аясында ұйымдастырылған "Білім-Инновация" және "Білім-Орда" Халықаралық қоғамдық қорларына қарасты білім беру ұйымдары оқушылары арасында қаңтардың 11-14 арасында Алматы қаласында өткізілген Республикалық тоғызқұмалақ турниріне жетінші сынып оқушысы Аманжолов Архат қатысып, I орынды иеленді!

          • Түлектермен кездесу

          • «Біздің жаңа саяси бағытымыз сендерге жаңа мүмкіндіктер, жақсы білім, лайықты еңбек пен ұлы болашақ сыйлау. Бүгінгі жастар жаңа бағыттың жылжушы күші болуға және жемісін көруге тиісті»,- деп Елбасымыз айтқандай, қаңтар айының 10-ы күні мектеп бітірушілерді болашақ мамандық таңдауға бейімдеу, кәсіби бағыт – бағдар беру мақсатында дәстүрге айналған «Түлектерім, ұшып шыққан ұядан» атты студент-жастармен кездесу өткізілді. Кешті лицей директоры С.Ш.Талдахметов құттықтау сөзімен ашып, ертеңгі күннің құрығын қолға ұстаған студенттерге өзінің  ақ тілегін білдірді. Кеш барысында түлектер     11-сынып оқушыларына университетке   түсу үшін қандай дайындық керек екені туралы, қандай құжаттар жинау керектігі жайлы, кездесетін қиындықтарды  айтып өтті. Ең бастысы ҰБТ-ға тыңғылықты, жүйелі дайындық, түлек тарапынан саналы түсінік қажет екенін ескертті. Оқушылар өздерін толғандырып жүрген сұрақтарына  нақты, қызықты, қанағаттанарлық жауаптар алды. Әрі қарай кеш оқушылардың аға студенттеріне арнаған өнерлерімен, түлектердің лицейде оқып жүргенде өткен қызықты оқиғалары бейнеленген бейнероликпен жалғасты.Кездесу өте тартымды да қызықты болды.

          • Облыстық пән олимпиадасы

          •     2018 жылдың 5-6 қаңтар күндері Батыс Қазақстан облысы бойынша облыстық білім басқармасы және «Дарын» қосымша білім беру орталығының ұйымдастыруымен мектеп оқушылары арасында жалпы білім беретін пәндерден облыстық олимпиада өтті. №11 С.Сейфуллин атындағы мектеп-лицей-интернаты кешенінде өткізілген облыстық кезеңге лицейімізден 58 оқушы қатысып, 33 оқушы жүлделі орындарды иеленді. Атап айтсақ, 10 оқушы - І орын, 13 оқушы- ІІ орын, 10 оқушы- ІІІ орын және 9 алғыс хат алды. Олар:

            І орын: Петри Адам, Сағындықов Ернар, Латифов Санжар, Сисенов Исмаил, Мурзагалиев Арман, Мақсотов Абзал, Аделов Алдияр, Ибатуллиев Асыланбек, Аманбаев Ершат, Тасмуханов Руслан;

            ІІ орын: Абутолыбов Абдолла, Амиров Азамат, Мұратов Есбол, Бекжан Диас, Шаимбетов Батырхан, Бердигалиев Алан, Исатаев Нұрғиса, Аскаров Еламан, Жумабаев Бексултан, Шинбай Алмаз, Хабдрашит Ершат, Шкода Виктор, Айтбаев Алихан;

            ІІІ орын: Бекетов Гадильбек, Заиров Райымбек, Өтешқали Әлішер, Сагынгали Дамир, Шакулов Бауыржан, Кубашев Данияр, Ахметжанов Әділ, Мурзагалиев Алихан, Сансызбаев Нұрхан, Мерхаев Еламан.

                Оқушыларымызды жеңістерімен құттықтап, республикалық олимпиадада сәттілік тілейміз!

          • Қамқоршылық кеңес мүшелері туралы мәлімет

          • Аты-жөні, жұмыс орны, қызметі, кеңестегі қызметі

            1. Мухитов Нурболат Абаевич -  "Зашаған" кенті әкімінің орынбасары - Мүше

            2. Қауметова Данагүл Нұрлановна - ХҚКО есепші ТОО - Хатшы     

            3. Сердалиев Жалғас Баймұханұлы - "WestPartnerGroup"директор  -  Мүше

            4. Мендалиева Сагира Газизовна  - Зейнеткер - Төрайымы

            5. Насетов Кенжебек Кәмелетке толмағандар ісі жөніндегі инспектор Мүше

            6.Зайров Асан Жоламанович - Дарынды балаларға арналған мамандандырылған №8облыстық мектебінің                                                      тарих пәнінің мұғалімі - Мүше

            7. Мурзагалиев Жасұлан Газизович - Жеке кәсіпкер - Мүше

            8. Ибраев Ақпан Жанатович -  ТОО"Орал-свет"директор - Мүше

            9. Шүкірғалиев Ербол Едігеұлы - "Қаржы бөлімі"ММ бірінші орынбасары - Мүше

          • АТА-АНАЛАР АРАСЫНДАҒЫ АЙМАҚТЫҚ "ДОСТЫҚ" СПАРТАКИАДАСЫ

          • Желтоқсанның 17 жұлдызында Тәуелсіздігіміздің 26 жылдығына орай Орал қаласында еліміздің батыс өңірлерінде орналасқан "Білім-Инновация" лицейлерінің ата-аналары арасында спартакиада өткізілді. Спартакиаданың негізгі мақсаты - Елбасының "Рухани жаңғыру" идеясын іске асыру, ата-аналар арасындағы қатынасты күшейту, оқушы тәліміндегі тәрбие үштағаның (ата-ана-оқытушы-оқушы) нығайту, ел болашағы - жас ұрпаққа салауатты өмір үлгісін іс жүзінде көрсету болып табылады. Аталмыш спорттық іс-шараға  Ақтөбеден, Атыраудан, Жаңаөзеннен және Құлсарыдан келген жүз шақты ата-анадан құралған сегіз команда қатысты. Бұл жарысқа осы жылы ең алғаш қадам басып отырған №11 С.Сейфуллин атындағы мектеп-лицей-интернатты ерекше атап өткіміз келеді. Жарыс үш бағытта өрбіді: волейбол, үстел теннисі және шахмат.

            Жарыстың нәтижелері:

            Волейбол:

            Бас жүлде - Орал "Білім-Инновация" лицейінің ата-аналар құрамасы
            I - орын - Құлсары лицейінің ата-аналар құрамасы
            II орын - Атырау ерлер "Білім-Инновация" лицейінің ата-аналар құрамасы
            III орын - Атырау қыздар лицейінің ата-аналар құрамасы

            Шахмат:

            I орын - Хасанов Қайрат (Орал "Білім-Инновация" лицейі)
            II орын - Таяуов Өмірсерік (Ақтөбе "Білім-Инновация" лицейі)
            III орын - Шукургалиев Ербол (Орал "Білім-Инновация" лицейі)

            Үстел теннисі (аналар):

            I орын - Олжатаева Кәмшат (Орал "Білім-Инновация" лицейі)
            II орын - Темирова Эльмира (Құлсары лицейі)
            III орын - Ербулекова Жанаргүл (Құлсары лицейі)

            Үстел теннисі (әкелер):

            I орын - Жексенгалиев Рауан (Орал "Білім-Инновация" лицейі)
            II орын - Турашев Мұханбет (Орал "Білім-Инновация" лицейі)
            III орын - Мунбаев Сәрсенбай (Атырау қыздар лицейі)

            Білім ошақтары арасындағы ынтымақтастықты нығайтатын, ата-ана мен мектеп арасын байланыстыратын, салауатты өмір салтын насихаттайтын ауқымды іс-шаралар алдағы уақытта да жалғасын табады.

          • Ел мақтанышы, жерлесіміз Екатерина Ларионовамен кездесу

          • Қараша айының 29-күні лицейімізде Рио-де-Жанейро қаласында өткен жазғы олимпиаданың әйелдер күресінен қола жүлдегері, Батысқазақстандық Екатерина Ларионовамен кездесу өтті. Оқушыларға еліміздің мақтаныштарын таныстыру, патриоттық тәрбие беру, жерлесіміз Екатерина туралы кең мағлұмат айту мақсатында ұйымдастырылған шараға лицей мұғалімдері мен оқушылар қатысты.  Кездесу  барысында оқушыларға  Екатерина Алексеевна балалық шағы, спортқа келу жолы, олимпиада жетістіктері туралы айта кетіп, оқушылардың сұрақтарына жауап берді. Жарыс барысында қолданған 1-2 әдісін оқушыларға көрсетті.

            Спорт шебері, олимпиада жүлдегерімен көзбе-көз кездесіп, сұқбаттасқан оқушылар аталған шарадан зор әсер алды деп ойлаймыз.

          • "Жырына жанарымен нәр жинаған" атты марқұм ақын Қайрат Жұмағалиевті еске алу кеші

          • "...АНАСЫ БАР АДАМДАР, ЕШҚАШАН ҚАРТАЙМАЙДЫ...  Иә, бұл өлең жолдарын білмейтін қазақтың баласы жоқ шығар. 18 қазан күні лицейімізде "Жырына жанарымен нәр жинаған" атты марқұм ақын Қайрат Жұмағалиевті еске алу кеші өтті.Аталмыш іс-шара ақынның туғанына  80 жыл толуына орай жасалды.Ұйымдастырушылары мектепәкімшілігіжәне лицейіміздің кітапхана меңгерушісі Алмагүл Мусина ханым болған кешке ақынның аяулы жары Софья Нығметоллақызы, қызы Бекзат Қайратқызы және ҚР Білім беру ісінің озаты әрі құрметті қызметкері, кітапхана ісінің шебері, Мәдениет саласының үздігі Исатаева Роза Жақияқызы қонақ болды.

            Іс-шараның негізгі мақсаты оқушыларды Қазақстан Жазушылар одағының мүшесі, ақын Қайрат Жұмағалиевтің өмірімен, шығармаларымен кеңінен таныстыру болды. Кеш барысында К.Жұмағалиев туралы видеоролик көрсетіліп, ақын өлеңдері мен қаламдастарының пікірлері оқылды. Сұрақтар қойылды. Әндер шырқалды. «Тұлғалы ақын,көрнекті қайраткер» атты кітап көрмесі жасақталды. Көрмеге Қ.Жұмағалиевтің портреті, дәйексөздер, шығармалары қойылды. Кеш соңында София апамыз лицей кітапханасына ақынның кітабын сыйға беріп, оқушыларға дәм таратты.

            Кітап пен әдеби туындыларды оқу сиреген бұл заманда өскелең ұрпақ жүрегіне ақынның өлеңдерін жеткізіп, мағыналарын кеңінен ашу мойнымыздағы парыз саналады. Осы мазмұндағы іс-шаралар жиі өткізіледі деген мақсаттамыз.

        • "Ұстазым менің, ұстазым"
          • "Ұстазым менің, ұстазым"

          • Қазан айының басында аталатын дәстүрлі мереке - Ұстаздар күні біздің лицейімізде де тойланды. Мұғалімдер үшін бұл күн ерекше болды. Оқушылар әр ұстазын мектеп алдында қошеметпен қарсы алды. Мерекелік көңіл күй оқушылардың әзірлеген "Ұстазым менің, ұстазым" атты концерттік бағдарламамен жалғасын тапты. Кеш барысында әсем ән айтылып, би биленіп, әр түрлі тақырыпта әзілдер көрсетілді. Кеш соңында лицей директоры Сәкен Шардарбекұлы мерекелік құттықтау сөзін сөйлеп, мектептің жүрегі болып табылатын көш бастап жүрген ұстаздарды алғыс хаттар және грамоталарымен марапаттады. Ұстаздарымызды тағы да мерекелерімен құттықтап, жұмыстарына шығармашылық табыстар тілейміз.

        • "Қариясы бардың - қазынасы бар"
          • "Қариясы бардың - қазынасы бар"

          • Жыл сайын 1 қазанда әлем жұртшылығы Қарттар күнін атап өтеді. Бұл тамаша дәстүр қарияларымыздың қоғам өмірін дамытуға қосқан үлесін атап көрсетсе, екінші жағынан аға ұрпақ өкілдеріне қамқорлық болып табылады. Жасы асқан адамдарға құрмет көрсету біздің халқымызда да ежелден бар. Себебі олар еліміздің алтын қоры, патриотизмнің үлгісін көрсетушілер, ортақ іске берілген және шыдамдылық пен оптимизмді сақтаушылар. Бұл адамдар бүкіл ғұмырын еңбекке, балаларды тәрбиелеуге арнаған. Олардан эстафета қабылдаған бүгінгі ұрпақ ата-аналарының бастаған ісін жалғастыруда. Сондықтан да осындай ерен енбегі үшін қарияларға ризашылық білдіреміз.

            13 қазан күні мектебімізде "Қариясы бардың - қазынасы бар" атты ата-әжелерімізге арналған концерттік бағдарлама болды. Бұл іс-шараның негізгі мақсаты - әз жүздерін әжім басқан әжелеріміз бен ақсақалдарымызға мерекелік көңіл күй сыйлаумен қатар оқушыларымызды қарияларды құрметтеуге баулу болып табылады. Шара барысында ән айтылып, би биленді,күй тартылды, үлкенді құрметтеу тақырыбында қойылым қойылды.  Осы күні адам болып, молшылыққа кеңелуіміз - ең алдымен осы жандардың еңбегі екені сөзсіз. Олай болса сол еңбекті ұмыт қылып, ата-әжелеріміздің бізге сіңірген еңбегін көзден таса қылуға еш жол жоқ! Өсер елдің ұрпағы ең алдымен ақсақалын сыйлап, ақылын тыңдап, батасын алады. Ал осы құндылықтан айрылған жағдайда ісімізден береке қашып, жас ұрпақ болашағына балта шапқан боламыз. Ел басына күн туған, қиын-қыстау күндерде халқына сүйеу, жұртына қамқор болатын қарттарымыз қашан да аман болсын!

        •  Ұстаз болу – жүректің батырлығы..
          •  Ұстаз болу – жүректің батырлығы..

          •                                                                   Ұстаз деген – жарық күні ғаламның,

                                                                                Ұстаз деген – анасы ол адамның.
                                                                                Бүкіл әлем мойындайды еңбегін,
                                                                                Сен де одан адам болып жаралдың...      

            Иә, әлемдегі сан алуан мамандықтардың ішінде жан-жақты білімділікті, икемділікті, шеберлікті, мейірімділік пен парасаттылықты қажет ететін мамандық – ұстаздық қызмет. Ұлы ағылшын ағартушысы Уильям Уорд: «Жай мұғалім хабарлайды, жақсы мұғалім түсіндіреді, керемет мұғалім көрсетеді, ұлы мұғалім шабыттандырады», – дейді. Бүгін де білім беру кеңістігінде тәжірибелі де білімді, өз мамандығының хас шеберлері жетерлік. Соның бірі – облыстық дарынды балаларға арналған мамандандырылған «БІЛІМ-ИННОВАЦИЯ» мектеп-лицей-интернатының география пәні мұғалімі Сидарова Айсәуле Бекетқызы.

            Ұстаздықтың ұлы жолында өзінің айшықты еңбегімен дараланған әріптесім Айсәуле Бекетқызы жайлы ерекше ілтипатпен айтуға болады. Шәкірттеріне  білім айдынында еркін қанат қағып, самғау биігіне көтерілуіне дем беріп, ақыл-кеңесін беруде алдына жан салмайды. Өнеге-білім алып, өмір теңізіне құлаш ұрған әрбір шәкірті Айсәуле Бекетқызымен мақтанады. Оның             қайсар мінезі, қазақи ақжарқындығы мен қызметіне деген адалдығы оқушыларына үлгі болары хақ. Шәкірттерінің жеткен жетістіктері мен алған асулары жетерлік. Оның оқушылары облыстық, республикалық, халықаралық білім додаларында әрдайым биік шыңдарды бағындыруда. Атап айтатын болсам, облыстық олимпиадалардан Ә.Әділ, Н.Кулбарак, Б.Шаимбетов, Е.Сағындықов, С.Латифов, республикалық олимпиадалар мен ғылым жоба сайыстарынан М.Қайырғалиев, Д.Кульжанов, Н.Елешов, Р.Гаджиев, Т.Серікбаев, Д.Қасымов сынды шәкіртері жүлделі орындарға ие болып, ұстаз мәртебесін арттырды. Әрине, мұның бәрі тынымсыз еңбек пен төккен терінің жемісі.

            Осындай небір сындарда сыналып, ұстаздықпен шыңдалған Айсәуле Бекетқызы бүгін де республикамыздың «Үздік педагогы» атанды. Өмірлік тәжірибесі, тәлім-тағылымы көпке үлгі болған әріптесімнің бала жүрегінде қалдырған ізі мәңгілік деп санаймын.

            Еліміздің  ертеңгі  тізгінін  ұстар, Отанын  ға­лам­­дық дамудың көшінен қалдырмай өрге шы­ғарар азамат тәрбиелеу  ұстаздарға  жүктелген аса маңызды жауапты  міндет. Осы  жауапты мін­деттің ауыр жүгін қайыспай  көтере  білген  ұстаз еңбегінің еленгеніне дән ризамын. Абай атамыздың «Адамның адамгершілігі жақсы ұстаздан болады» деген дана сөзімен өз ойымды қорытындылағым келеді.

             

            Облыстық дарынды балаларға арналған мамандандырылған

                «БІЛІМ-ИННОВАЦИЯ» мектеп-лицей-интернатының

                            қазақ тілі мен әдебиеті пәні мұғалімі

                            Қайырғалиева Жұлдыз Жұмабекқызы

        • «Тіл тұтастығы-ел тұтастығы»
          • «Тіл тұтастығы-ел тұтастығы»

          •                Қыркүйек айының  18-22 күндері аралығында Қазақстан Республикасының тілдер күніне орай  «Өзге тілдің бәрін біл, Өз тіліңді құрметте» атты апталық өткізілді.  Апталық барысында қазақ, орыс, ағылшын  тілдерінде әртүрлі  сыныптан тыс іс-шаралар оздырылды.

                      «Тіл тұтастығы-ел тұтастығы»  тақырыбында оқушылармен қазақ тілі пәні мұғалімдері тіл туралы шығармашылық жұмыс жүргізіп, үздік жұмыстар дәлізге  ілінді. Апталық соңында шығармашылықпен жұмыс жасаған 8 «А» сынып оқушысы Кабаков Диас грамотамен марапатталды.

              19 қыркүйек күні 7-сыныптар арасында қазақ тілі пәні мұғалімі М.С.Абилованың ұйымдастыруымен "Білімді мыңды жығады" сайысы өткізіліп, оқушылар       7 ата бөлімдері бойынша тапсырмалар орындап,  өз білімдерін жан-жақты көрсете білді. Сайыс жеңімпаздары - 7 «А» сыныбы. 

             Қазақ тілі мұғалімі М.А.Зеинешеваның ұйымдастыруымен                    8-сыныптар арасында «Сөз қазынасы» интеллектуалдық ойыны өткізілді. Ойын барысында көнерген сөздерге, тұрақты тіркестерге байланысты тапсырмалар орындап, 8 «В» сынып оқушысы Жанаев Еренбақ жеңімпаз атанды.

             Апталық барысында  барлық сыныптарда ҚР-ның Тілдер күніне арналған сынып сағаттары оздырылды.

            20 қыркүйек күні орыс тілі пәні мұғалімдері К.Н.Сулейменова мен Ж.Мерғалидің ұйымдастыруымен «Ассорти», «Великий, могучий руский язык!» интеллектуалдық ойындар, «Фразеологический зоопарк» дидактикалык ойын,  «И мы сохраним тебя, русская речь, великое русское слово» дөңгелек үстел,  «Язык как удивительное орудие» эссе байқауы  сияқты іс-шараларды өткізіп, оқушылардың тілге деген қызығушылығын арттырып, білімдерін кеңейтті.

            21 қыркүйек күні ағылшын тілі пәні мұғалімдерінің ұйымдастыруымен "Who wants to be a millioner", "Questons and answers" интеллектуалдық ойындар ,"I am new Trump" тақырыбында дебат  өткізілді.

            22 қыркүйек түрік тілінен "Kim 500 milyon ister" интеллектуалдық ойын өткізіліп, апталықтың жабылуына орай шағын концерттік бағдарлама әзірленді. Оқушылар төрт тілде өлең оқып, патриоттық әндерді орындады және апталыққа белсене ат салысқан оқушылар мен сыныптар Грамоталармен, алғыс хаттармен марапатталды.

        • Президент сайлауы
          • Президент сайлауы

          • Қыркүйектің 23-і күні Орал БІЛІМ-ИННОВАЦИЯ лицейі оқушылары өздерінің президенттерін сайлады. Мұндағы мақсат оқушыларды жұмыстануға, қоғамдық іс шараларға жауапкершілікпен атсалысуға, жалпы өзін-өзі басқаруға үйрету. Сайлауға мектеп оқушылары алдында беделді, оқуда озат, қоғамдық  іс-шараларға белсене қатысатын 2 оқушы өздерінің кандидатураларын ұсынып,  сайлау алды бағдарламаларымен таныстырды. Кандидаттыққа түскен оқушылар: 11 сынып оқушылары  Петри Адам мен Сарсеев Алмат. Сайлауға лицей мұғалімдері мен барлық сынып оқушылары қатысып, өздерінің таңдауларын жасады. Дауыс беру нәтижесінде Сарсеев Алмат Орал БІЛІМ-ИННОВАЦИЯ оқушыларының өзін-өзі басқару ұйымының президенті болып сайланды.  Алматқа алдағы уақытта табыстар тілейміз.

        • Отбасы күніне арналған спорттық шара
          • Отбасы күніне арналған спорттық шара

          • 2017 жылдың қыркүйек айының 15-і күні отбасы күніне орай лицейімізде салауатты өмір салтын сақтаудың қажеттілігін, денсаулықтың құндылығын, үштағанның бірлігін нығайту мақсатында “Салауатты өмірді насихаттайтын саламатты ұрпақпыз” тақырыбында отбасылық жарыс өткізілді. Жарыс дене шынықтыру пәні мұғалімі Ш.Қ.Даумовтың ұйымдастыруымен 4 кезеңнен тұрды. Атап айтсақ, “Шеңбермен жүру”, “Кедергілерден өту”, “Кубиктен өткізу”, “Арқан тарту”. Ойын қызықты да тартымды өтті. Жарыс соңында жеңімпаздар анықталып, сыйлықтар ұсынылды. Олар: І орын иегерлері 8 ”А” сыныбының қатысушылары Мақсотовтар отбасы, ІІ орын 7 ”А” сыныбынан Жоламановтар отбасы, ІІІ орын 9 ”В” сыныбының атынан қатысқан Мұхитовтар отбасы. Денсаулықты нығайтатын, мектеп пен ата-ана арасындағы байланысты арттыра түсетін спорттық шаралар әлі де жалғасын табады.