.png){kind=logo}
Қараша айының 21-23 күндері аралығында Батыс Қазақстан облысы әкімдігі білім басқармасы мен «Дарын» қосымша білім орталығының ұйымдастыруымен 9-10 сынып оқушылары арасында VII облыстық «Intel-logic - 2016» интеллектуалды турнирі өткізілді. Аталған турнирге лицейіміздің оқушылары қатысып, 9 сынып оқушысы Аделов Алдияр ІІ орынды иеленді. Оқушымызды жеңісімен құттықтап, алдағы уақытта да жетістікке жете беруіне тілектеспіз!
.jpg)
Қараша айының 20-28 күндері аралығында Теміртау қаласында Президенттік олимпиаданың қорытынды кезеңі өткізілді. Аталған олимпиадаға лицейіміздің 11 сынып оқушылары қатысып, нәтижесінде Ысқақ Бақдәулет І орын, Аманжол Азат пен Бекмағамбетов Мақсат ІІ орынды иеленді. Оқушыларымызды жеңістерімен құттықтаймыз!
23 қараша күні лицейімізде 1 желтоқсан- Дүниежүзілік СПИД ке қарсы күрес күніне орай «Темекі шегу – өзіңе ор қазу» тақырыбында кездесу өткізілді. Оқушыларды зиянды әдеттерден сақтандыру, темекінің ағзаға тигізетін зияны мен одан туындайтын ауру түрлері туралы мағлұмат беру, салауатты өмір салтын қалыптастыру мақсатында өткізілген кездесуге БҚО салауатты өмір салтын қалыптастыру орталығының маманы Ә.Ғ.Берікқалиев қатысты. Кездесу барысында оқушыларға көптеген мағлұматтар беріліп, бейнероликтер көрсетіліп, «Біз денсаулықты таңдаймыз» тақырыбында тренинг өткізілді.
19-20 қазан күндері Қазақстан Республикасының Білім және ғылым министрлігінің «Дарын» республикалық ғылыми – практикалық орталығы 10-11 сынып оқушылары арасында психологиядан бірінші республикалық қашықтық олимпиадасын өткізді. Оқушылардың психология ғылымына қызығушылығын арттыру, педагогика және психология факультетін таңдайтын түлектерге көмек көрсету мақсатында ұйымдастырылған олимпиадаға лицейіміздің 11 сынып оқушылары Ергалиев Абылайхан мен Базаралиев Аман қатысты. 40 минут ішінде берілген 30 сұрақтың 26-сына дұрыс жауап берген Абылайхан жүлделі ІІ орынды иеленсе, 23 дұрыс жауап белгілеген Аман қатысушы сертификатымен марапатталды.
Ойлау қабілеттері, терең білімділіктерімен жақсы нәтиже көрсете білген оқушыларымызға алдағы уақытта да үлкен жеңістер тілейміз!
Қарашаның 21 күні лицейімізде директордың тәрбие ісі бойынша орынбасары Г.Б.Сагитованың ұйымдастыруымен «Сынып жетекшінің бала тәрбиелеудегі заманауи парадигмаларына негіз болатын - іскерлік пен ынтымақтастық» атты жаңаша форматта семинар-коучинг өткізді. Сынып жетекшілердің кәсіби құзыреттілігін арттыру, ой бөлісу, тәжірибе алмасу, жаңғырту жүйесіндегі тиімді тәрбиені дамыту мақсатында ұйымдастырылған семинарды лицей психологі З.Қ.Идрисова «Әріптестің әлемі» тақырыбындағы әріптестердің жақын бірін-бірін тануы үшін дайындалған тренингімен бастады. Сынып жетекшілер әрі қарай мақал-мәтелдің жұбын табу ретімен топқа бөлініп, «Бірлік» видеосын тамашалап, ортақ талдады. Келесі бөлімде қатысушылар лицей үштағанын негізге ала отырып, «Егер де мен көшбасшы болсам», «Бала тәрбиелеудегі тиімді тәсілдер», «Ата-анамен жағдаяттар туындамауы үшін қандай іс-әрекеттер қажет?» деген үш тақырыпты өз педагогикалық идеяларымен, біліктіліктерімен, ұйымдастырушылық қабілеттерімен, ізденімпаздықтарымен талдап, тың мәліметтер берді. Жалпы семинар –коучингте сынып жетекшілер тәжірибе алмасу бағытында тың жаңа идеяларды ортаға салды.
18 қараша күні лицейімізде 9-10 сынып оқушыларына «Жасөспірім және заң» тақырыбында кәмелетке толмағандар арасында құқықбұзушылықтың алдын-алу мақсатында заң қызметкерлерімен кездесу өкізілді. Мектеп, ұстаз, қоғам әрекеті арқылы оқушылардың бойына құқықтық, патриоттық, адамгершілік құндылықтарды қалыптастыру, қоғамның заңдары мен нормаларын орындауға, құқықтарын біліп, өз құқықтарын қорғай білуге, құрметтеуге тәрбиелеу мақсатында ұйымдастырылған кездесуге БҚО прокурорының аға көмекшісі Орынғалиев Серік Наурызғалиұлы мен кәмелетке толмаған ісі жөніндегі инспекторы Насипов Кенжебек қатысты. Оқушыларға кездесудің мақсаты, міндеттері жөнінде баяндаған директордың тәрбие ісі жөніндегі орынбасары Г.Б.Сагитова шақырылған қонақтарға сөз берді. Кездесу барысында «Құқықбұзушылық туралы жалпы түсінік» тақырыбында дәріс оқылды және видеоролик көрсетілді. Сонымен қатар оқушылар өз ойларында жүрген сұрақтарын қойып, аталған кездесуден мол мағлұмат алды деп ойлаймыз.
.jpg)
Қараша айының 16-18 күндері аралығында Батыс Қазақстан облысы әкімдігі білім басқармасы мен «Дарын» қосымша білім орталығының ұйымдастыруымен VII облыстық «Intel-logic - 2016» интеллектуалды турнирі өткізілді. Аталған турнирге лицейіміздің 7-8 сынып оқушылары М.Аманғали, Д.Сагадат, Ә.Дегитаев, М,Джумабаев қатысты. Нақты ғылымдар пәндеріне бейім оқушылардың білімін жетілдіру, танымдық қызығушылықтарын дамыту, оқушыларды олимпиадаларға, түрлі деңгейдегі ғылыми жұмыстарға қатыстыруға таңдау мақсатында ұйымдастырылған турнирден оқушыларымыз командалық есепте жүлделі ІІІ дәрежелі дипломмен марапатталса, 8 сынып оқушысы Дегитаев Әділет ІІ орынды иеленді. Сабақ барысында ұстаздары С.Абибулла мен С.Ғайнолланың берген білімдерін дәлелдеп, жақсы нәтиже көрсеткен оқушыларымызды жеңістерімен құттықтаймыз!
Қараша айының 16-сы күні лицейімізде 9-11 сынып оқушыларымен волейбол, 7-8 сыныптарға гандбол ойындарынан жарыс өткізілді. Ұйымшылдыққа баулып, қимыл-әрекетке жаттықтыру, салауатты өмір салтын насихаттауға және спортпен шұғылданып тұруға шақыру, сымбаттылыққа, шымыр болуға, ептілікке тәрбиелеу мақсатында ұйымдастырылған ойындарға оқушылар белсенділікпен қатысты. Ойын нәтижесінде гандбол ойыны бойынша І орынды 8А сыныбының бірінші командасы, ІІ орынды осы сыныптың екінші командасы, ІІІ орынды 7В сынып командасы иеленді. Волейбол ойыны бойынша 8 команда қатысып, 9а сыныбы І орын, 9С сыныбы ІІ орын, 10В сыныбы ІІІ орынды иеленді. Сонымен қатар үздік ойын көрсеткен оқушыларға номинациялар берілді. Жолдығалиев Ерағат, Абатов Ернар «Үздік шабуылшы», Төлебергенов Али, аманғали Мұратали «Үздік ойыншы», Аманжолов Бақытжан, Хасан Нұр «Үздік қорғаушы».
Жүлделі орындарға ие болған оқушыларымызды құттықтаймыз!
12 қараша күні лицейімізде ата-аналар арасында «Жүрегіме жылу берген - «Ұшқан ұя»» атты кітап оқу жарысы оздырылды. Қазақстан Республикасы Тәуелсіздігінің 25 жылдығы мен лицейіміздің 10 жылдық мерейтойына орай лицей үштағанының бірлігін нығайту, отбасылық кітап оқу мәдениетін жетілдіру, оқу кеңістігінің аясын кеңейту мақсатында ұйымдастырылған байқау екі тілде, орыс және қазақ тілінде өткізілді.
Байқауға 60-қа жуық ата-ана қатысып, бақ сынасты. Барлық сыныптың ата-аналары өте жақсы дайындықпен келген. Дегенменде 6 орын белгіленіп, жеңімпаздарға Елбасының «Жылдар мен ойлар» атты кітабы сыйлыққа берілді. Байқау жеңімпаздарын атап айтсақ,
І орынды 7-сынып оқушысы Д.Сағадаттың анасы Маратова Жазира, ІІ орынды 9 «С» сынып оқушысы А.Темрешовтың анасы Әсия Темрешова мен А.Мухановтың анасы Ақтаубаева Ләззат, ІІІ орынды 9 «В» сынып оқушысы Ә.Сарамбетовтың анасы Сарамбетова Анар мен А.Темірхановтың анасы Егінгалиева Айнұр және 11 «В» сынып оқушысы Н. Гумаровтың анасы Мухамбедиева Айгүл ханым иеленді.
Лицей үштағанының бірі ата-ана. Сондықтан ата-анамен ынтымақтастықты кеңейту және отбасылық оқуды жаңғыртуға арналған шаралар жыл сайын дәстүрлі түрде өткізіле бермек.
2016 жылдың 12 қараша күні облыстағы аудан, қала, облыстық мектептердің 5-6 сынып оқушылары арасында дәстүрлі «Достық» олимпиадасы өткізілді. Оқушылардың қабілеттері мен бейімділіктерін анықтау, білімге қызықтыру, емтиханның тесттік жүйесіне оқушыларды бейімдеу, үйрету, басқа мектептермен байланысты нығайту мақсатында ұйымдастырылған олимпиадаға 5 сыныптар бойынша - 104, 6 сыныптардан - 175 оқушы, жалпы 279 оқушы қатысты.
Олимпиаданың нәтижесі бойынша 5 сыныптарда жүлделі орын алған оқушылар:
|
№ |
Оқушының аты-жөні |
Орын |
Мектебі |
|
1 |
Елубаев Дәулет |
І |
Орал қаласы, Ә.Молдағұлова ат. №38 мектеп-лицей |
|
2 |
Мединамова Румиля |
ІІ |
Орал қаласы, М.Маметова ат. №27 физика-математика бағытындағы мектеп-лицей |
|
3 |
Абат Абылай |
ІІ |
Орал қаласы, № 8 ЖОББМ |
|
4 |
Мырзагалиев Амирхан |
ІІІ |
Орал қаласы, № 8 ЖОББМ |
|
5 |
Жидекул Ж. |
ІІІ |
Орал қаласы, № 9 ОЖББМ |
6 сыныптарда жүлделі орын алған оқушылар:
|
№ |
Оқушының аты-жөні |
орын |
мектебі |
|
1 |
Гайсин Аркен |
І |
Орал қаласы, № 8 ЖОББМ |
|
2 |
Казетова Сауле |
І |
№ 19 ЖОББМ |
|
3 |
Қорған Ақбота |
ІІ |
Қаратөбе ауданы, Егіндікөл ЖОББМ |
|
4 |
Кофанова Екатерина |
ІІ |
Зеленов ауданы, Щапов ЖОББМ |
|
5 |
Мулдагалиев Адиль |
ІІ |
Орал қаласы, № 7 ОЖББМ |
|
6 |
Кадиргалиева Альмира |
ІІІ |
Орал қаласы, №42 "Ақ ниет" гимназиясы |
|
7 |
Қадырболат Ринат |
ІІІ |
№ 41 ЖОББМ |
|
8 |
Мулдаш Рашидиктемуджин |
ІІІ |
Орал қаласы, С.Сейфуллин ат. №11 ДБАОМҚМИК |
|
9 |
Абенов Алпамыс |
ІІІ |
Орал қаласы, № 21 ОЖББМ |
|
10 |
Капасова Айдана |
ІІІ |
Орал қаласы, № 8 ЖОББМ |
|
11 |
Серік Мират |
ІІІ |
№ 6 ЖОББМ Ақсай қаласы |
|
12 |
Алтынбек Ақбота |
ІІІ |
Орал қаласы, №42 "Ақ ниет" гимназиясы |
|
13 |
Баянгалиева Дара |
ІІІ |
Орал қаласы, № 8 ЖОББМ |
Олимпиададан жоғары балл жинаған оқушылар облыстық білім басқармасының «Дипломымен» марапатталды.
Білім додасында биіктен көріне білген оқушыларды құттықтаймыз!
Елбасымыз Нұрсұлтан Назарбаев бүгінде мұғалімдер алдына үлкен жауапкершілік артып отыр. «Бәсекеге қабілетті жеке тұлғаны қалыптастыру ұстаздың міндеті. Мұғалімдер қазіргі заман талабына сай азаматқа білім беріп, тәрбиелеу үшін өзі де заман ағысымен өзгерген, жаңа педтехнологияны меңгерген, кем дегенде үш тілді игерген болып, оқушыға білімді өзіне іздентіп, игертетін, өзіндік пікірі қалыптасқан жас жеткіншекті қалыптастыруы керек» деген болатын. Мұғалімдердің білімдерін жетілдіру үшін әр түрлі оқу түрлері, семинарлар, конференциялар, сайыстар, мәдени шаралар ұйымдастырылып жатыр. Мұғалімнің кәсіби шеберлігін арттыруға барлық жағдайлар жасалуда.
5-6 қараша күндері Алматы қаласында физика, математика, информатика пәні мұғалімдері арасында Халықаралық шығармашылық байқау өткізілді. Аталған байқауға лицейіміздің физика пәні мұғалімі Серикбаев Ерден Сарсубайұлы қатысып, жүлделі ІІІ орынды иеленді. 184 мұғалім қатысқан байқаудан жоғары нәтиже көрсетіп, алдыңғы орыннан көріне білген әріптесіміз үнемі ізденіп, білімін жетілдіріп, тынбай еңбек ететін шығармашыл ұстаз.
Ұстаз еңбегінің өресі биік, өрісі кең. Шәкірттеріне білім беруден әсте жалықпайтын әріптес ұстазға алдағы уақытта да шығармашылық табыс тілейміз.
2016 жылдың 11 қарашасы күні лицейімізде химия, биология, физика, информатика пәндерінен облыс мұғалімдеріне арналған семинар ұйымдастырылды. Семинарға Орал қаласындағы «Евразия» университетінің базасында аталған пәндерді ағылшын тілінде оқыту бағытында білімдерін жетілдіріп жатырған Бөрлі, Зеленов, Казталов, Тасқала, Теректі, Шыңғырлау аудандары мен Орал қаласы мектептерінен 80 мұғалім қатысты. Семинар барысында лицейіміздің мұғалімдері Ә.Байжаханов, Е.Серикбаев, Е.Сүлейменов, М.Мырзатов, Н.Серікұлы ашық сабақтар өткізіп, семинарға қатысушылармен тәжірибе бөлісті. Химия, биология, физика, информатика пәндерінен сабақтарға қатысқан мұғалімдер өздерінің ойларымен бөлісіп, толғандырған сұрақтары бойынша пікір алмасты. Семинар соңында мұғалімдер қатысқан сабақтарында әріптестерінің жақсы тәжірибелерін көре алғандығына және оқушылардың да ағылшын тілін жетік білетіндігі мен жоғары білімдеріне ризашылықтарын білдірді. Семинарға қатысқан мұғалімдерге жаратылыстану-математикалық бағыттағы пәндерде жиі қолданылатын сөздердің терминологиялық сөздігі таратылды.
Әлемде 200-ге жуық мемлекет болса, сол елдердің басты құндылығы, мақтанышы – Тәуелсіздік.
27 қазан күні Батыс Қазақстан облысының дарынды балаларға арналған қазақ - түрік мамандандырылған мектеп - лицей – интернатында Қазақстан Республикасы Тәуелсіздігінің 25 жылдығы және лицейіміздің 10 жылдық мерейтойына орай қаламыздағы Ұлттық ұланның 5517 әскери бөлімше үрмелі аспаптар оркестрімен және жеке құрамның офицерлерімен кездесу өткізілді. Кездесудің мақсаты оқушылардың бойына туған жерге, елге деген сүйіспеншілігін арттыру, оқушыларға еліміздің қарулы күштері туралы мағлұмат беру болды. Шара барысында оқушылар әскери өмірмен, әскери оқу орындарына түсу ережелерімен таныстырылды. Сонымен қатар үрмелі аспаптар оркестрінің орындауында концерттік бағдарламаны тамашалады.
Аталған кездесуге лицейдің барлық сынып оқушылары қатысып, өздерінің жақсы әсер алғандарын айтып, көтеріңкі көңіл күймен тарқады.
2016 жылдың 29 қазан күні лицейімізде санитарлық тазалау айлығы шеңберінде сенбілік болып өтті. Аталған шараны ұйымдастырудың мақсаты лицей тазалығын сақтай отырып, оқушыларды ұқыптылыққа, еңбекқорлыққа, жауапкершілікке тәрбиелеу болды. Сенбілік барысында әр сыныпқа жұмыс орындары белгіленіп, жауапты мұғалімдермен бірлесе іс атқару тапсырылды. Жұмыс барысында жапырақтар мен ағаш сынықтары, қағаздар жиналып, олар арнайы орынға төгілді.Әрбір сынып оқушылары мен мұғалімдері айтулы шарада жауапкершілік, белсенділік танытып, лицей тазалығына бей-жай қарамайтындықтарын дәлелдеді.
Powered by aSc EduPage